ရွှေလီ-မန်စံ ဓာတ်အားလိုင်း နှစ်လိုင်းတွင် တစ်လိုင်းပြုပြင် ပြီးစီး၍ လျှပ်စစ်ကို မူလထက် တိုးမြှင့်ပေးနေ
ရွှေလီ-မန်စံ ဓာတ်အားလိုင်းနှစ်လိုင်းထဲမှ တစ်လိုင်းပြုပြင်ပြီးစီး၍ လျှပ်စစ်ကို မူလထက်တိုးမြှင့်စမ်းသပ်ပေးနေပြီ ဖြစ်ကြောင်း လျှပ်စစ်စွမ်းအားဝန်ကြီးဌာန၏ တာဝန်ရှိသူတစ်ဦးက ဖေဖော်ဝါရီလ ၄ ရက်နေ့က ပြောကြားခဲ့ပါတယ်။
“ရွှေလီ-မန်စံလိုင်း 230 – KV နှစ်လိုင်းမှာ တစ်လိုင်းရသွားတော့ အရင်ကထက် ပိုရလာတယ်။ အခုက တစ်ကြိမ် မီးပျက်ရင် ၈ နာရီကြာ မပျက်တော့ဘူးလေ။ အပိုလေးတွေကို ပေးထားတာ။ စနစ်ကိုတော့ မပြောင်းရတော့ဘူး။ နည်းနည်းငြိမ်အောင် စောင့်နေရတယ်။ တစ်လိုင်းကတော့ မကောင်းသေးဘူး။ အဲဒီလိုင်းဘက်က Security point of view ရှိတယ်လေ။ အဲဒီတော့ လုပ်ရကိုင်ရကိစ္စတွေ ရှိနေသေးတယ်။ အရင်ရက်တွေက ၄ နာရီလာပြီး ၈ နာရီ ပိတ်ရာကနေ အခုတော့ ၄ နာရီ လာ ၄ နာရီ ပိတ် ဖြစ်လာမှာပေါ့။ တစ်လိုင်းက ၃၅၀ မဂ္ဂါဝပ်ကနေ ၄၀၀ လောက် ရှိတယ်” ဟု ၎င်းက ပြောပါတယ်။
