ဝါရင့်ဇာတ်ပို့သရုပ်ဆောင် ဒေါ်ခင်သန်းဝင်း သွေးတိုးရောဂါနဲ့ ရုတ်တရက် ကွယ်လွန်
သရုပ်ဆောင် ရီရီပွင့်ဖြူရဲ့ မိခင် ဝါရင့်ဇာတ်ပို့ သရုပ်ဆောင် ဒေါ်ခင်သန်းဝင်း အသက် ၆၇ နှစ်ဟာ ယနေ့ မေလ ၂၄ ရက် နံနက် ၁၀ နာရီခန့်က သွေးတိုး ရောဂါနဲ့ရုတ်တရက် နေအိမ်မှာ ကွယ်လွန်ခဲ့ပါတယ်။
“အမေ ဆုံးပြီ။ ကျမအမေက သွေးတိုးရောဂါသမားပါ။ တခြား အိပ်ရာထဲလဲနေတဲ့ရောဂါ ဘာမှမရှိပါဘူး။ ဒီမနက်မှာပဲ ရုတ်တရက် သွေးဆောင့်တက်ပြီး ဆုံးသွားတာပါ”လို့ သရုပ်ဆောင် ရီရီပွင့်ဖြူက ပရိသတ်သိအောင် ပြောလာပါတယ်။ ဒေါ်ခင်သန်းဝင်းဟာ သရုပ်ဆောင်တွေဖြစ်ကြတဲ့ ရီရီပွင့်ဖြူ နဲ့ မောင် ( Sein Phyo & Ye) ရဲ့ မိခင်ကြီးလည်းဖြစ်ပါတယ်။
သရုပ်ဆောင် ဒေါ်ခင်သန်းဝင်းရဲ့ နာရေးကိုတော့ လာမယ့် မေလ ၂၆ ရက် နေ့လယ် ၁ နာရီမှာ ရန်ကုန်မြို့ ရေဝေးသုသာန်မှာ မီးသင်္ဂြိုဟ်သွားမှာလည်းဖြစ်ပါတယ်။
