ဒုတိယအကြိမ် စတုဒီသာ အလှူကျွေးမွေးခဲ့သော ရတနာ PK Htun မိသားစု
” ရတနာ PK Htun မိသားစု ” ရဲ့ ဒုတိယအကြိမ်မြောက် နေ့လည်စာ ထမင်းဟင်း စတုဒီသာ အလှူကြီးကို ယနေ့ မနက် (၉) နာရီက မန္တလေးမြို့ ၊ (၆၆) လမ်း နဲ့ (၁၀၉) လမ်းထောင့်ရှိ သရုပ်ဆောင် ပိုးကြာဖြူခင် မိသားစုပိုင် ရတနာ PK Htun ဆိုင်ရှေ့မှာ ကျွေးမွေးလှူဒါန်းခဲ့ပါတယ်။ အဆိုပါ စတုဒိီသာ အလှူကြီးမှာ ဝက်သား အချိန် (၁၀၀) ၊ ကြက်သားအချိန် (၅၀) နဲ့အတူ အရံဟင်းများစွာကို လူ ထောင်ချီစာ လှူဒါန်းခဲ့တာပဲဖြစ်ပါတယ်။
စတုဒီသာအလှူကြီးနဲ့အတူ ယနေ့မှာ လာရောက်ဝယ်ယူကြတဲ့ ရတနာချစ်သူများအတွက် စိန်ထည် ကျောက်ထည်ထဲက ရတနာထည်များကို 7% discount ချ ရောင်း ပေးခဲ့တဲ့အပြင် အလဲ 0% အရောင်း 8% နဲ့ ရောင်းချပေးခဲ့ပါတယ်။
DBN ပရိသတ်ကြီးတို့ သရုပ်ဆောင် ပိုးကြာဖြူခင်က စတုဒီယာအလှူလည်း ဖြစ်မြောက်ပို့ ဝိုင်းဝန်းကူညီခဲ့သူများကို အခုလို ကျေးဇူးတင်စကား သူ၏ လူမှုကွန်ယက်မှာ ရေးသားဖော်ပြခဲ့ပါသည်။ “အလှူလေးဖြစ်မြောက်ဖို့ ဝိုင်းဝန်းကူညီပေးခဲ့တဲ့ မိုးထိအောင်စည်ကျောက်မြတ်ကုမ္မဏီမှ အမ ဒေါ်ခင်ထွေးနဲ့ အမ ဒေါ်မိုးထွေး နှင့်တကွ မဏိစလ ပရဟိတ အဖွဲ့သူအဖွဲ့သား များ အားလုံးကို ကျေးဇူး အများ ကြီးတင်ပါတယ်ရှင် 
အခုလိုပဲ လစဉ် လှူနိုင်အောင် ကြိုးစားပါ့မယ်ရှင် အခုလို လှူဒါန်းနိုင်ခြင်းဟာလဲ ဆိုင်စဖွင့်ကတည်းက နေ ခုချိန်ထိ ချစ်ခြင်းမေတ္တာ အပြည့် နဲ့ ဝယ်ယူအားပေးခဲ့ကြတဲ့ ကျမတို့ ဆိုင်ရဲ့ ရတနာ ချစ်သူများရဲ့ ကျေးဇူးကြောင့်ပါရှင် 
ထမင်းရှင် ချစ် customer များ နဲ့တကွ ရတနာ PK Htun ပရိတ်သတ်များအားလုံး စည်းပွါးလာဘ်လာဘတွေ တိုးပွါးပြီး ကျန်းမာ ချမ်းသာ ကြပါစေရှင် 
” ။
