အဆိုတော်တွေနဲ့သာရိုက်ကူးသွားမယ့် တေးတစ္ဆေ ဇာတ်လမ်းတွဲ ကန်တော့ပေးပွဲကျင်းပ
HEY Play Application ကနေ ထုတ်လွှင့်ပြသသွားမယ့် တေးတစ္ဆေဇာတ်လမ်းတွဲကန်တော့ပွဲ အခမ်းအနားကို စက်တင်ဘာ ၁၁ ရက်နေ့ နံနက် ၉နာရီက သဃ်န်းကျွန်းမြို့နယ်ရှိ ကျိုက္ကဆံစေတီတော်ရင်ပြင်မှာ ကျင်းပပြုလုပ်ခဲ့ပါတယ် ။
အဆိုပါဇာတ်လမ်းတွဲကို ဒါရိုက်တာ ကိုသားညီက ရိုက်ကူးမှာဖြစ်ပြီး တေးဂီတနောက်ခံဇာတ်ကား ဖြစ်ကြောင်းသိရပါတယ်။ ပါဝင်သရုပ်ဆောင်မယ့်သူတွေကတော့ သားညီ၊ ထက်ယံ၊ အုပ်စိုးခန့်၊ နေထွဋ်၊ Jason Ace၊ ALADIN၊ ရှိုင်းထက်၊ လင်းသစ် အောင်၊ ဟန်သက်ဇော်၊ အေးမြဖြူ၊ မေလသံစဉ်၊ Amera Hpone၊ ယွန်း၊ ဆုလှိုင်၊ နှင်းဝတ်ရည်ကျော်၊ ထူးဝင့်သန္တာ နှင့် သရုပ်ဆောင်များစွာ ပါဝင်မှာပဲဖြစ်ပါတယ်။
တေးတစ္ဆေဇာတ်လမ်းတွဲကို စက်တင်ဘာလ(၁၂)ရက်နေ့မှာ စတင်ရိုက်ကူးသွားမှာ ဖြစ်တယ်လို့ သိရပါတယ်။
