“ဘောက်ချာ” ရုပ်ရှင်ဇာတ်ကားကြီး Premiere Show ကျင်းပ
Horror Comedy ဇာတ်လမ်းပုံစံ “ဘောက်ချာ” ရုပ်ရှင်ဇာတ်ကားကြီး Premiere Show ပွဲကို ယမန်နေ့ နိုဝင်ဘာ ၄ ရက် ညနေပိုင်းက ရန်ကုန်မြို့ ဒဂုံမြို့နယ်ရှိ သမ္မတအဆင့်မြင့်ရုပ်ရှင်ရုံမှာ ကျင်းပခဲ့ပါတယ်။
ဒီဇာတ်ကားရဲ့ ဇာတ်လမ်း ဇာတ်ညွှန်းကို သက်ဦးမောင်က ရေးသားထားပြီးတော့ အနုပညာအကြံပေးအနေနဲ့ နေသူရိန်၊ Dop မင်းမင်းကျော်၊ ဒါရိုက်တာ စိုးမိုးမင်းက သရုပ်ဆောင်တွေဖြစ်တဲ့ မြင့်မြတ်၊ မင်းဘုန်းမြတ်၊ ခြူးလေး၊ ခြူးစစ်ဟန်၊ လှနုထွန်း၊ ချိုမဒီသွင်၊ အရိုင်း၊ ခင်လှိုင်၊ ဆင်မ၊ မိုးမိုး၊ မာမီသက်၊ သွက်လက်၊ ဟန်နီဇော်၊ ဒဲ့ဒိုး၊ ဇော်ထိုး၊ ပေါ်လာ၊ မျိုးမျိုးခိုင် စတဲ့သူတွေနဲ့ ရိုက်ကူးထားပါတယ်။ “ဘောက်ချာ” ရုပ်ရှင်ဇာတ်ကားကြီးကို လာမယ့် နိုဝင်ဘာ ၈ ရက်မှာ မြန်မာတစ်ပြည်လုံးရှိ အဆင့်မြင့် ရုပ်ရှင်ရုံတွေမှာ ရုံတင်ပြသမှာဖြစ်ပါတယ်။
