ဒုတိယမြောက် လက်ထပ်ခွင့် ရုပ်ရှင်ဇာတ်လမ်းတွဲ ကန်တော့ပွဲပေး အခမ်းအနားကျင်းပ
ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ကျိုက္ကဆံဘုရားတွင် စက်တင်ဘာ ၁၂ ရက်၊ နံနက် ၉ နာရီက ဒုတိယမြောက် လက်ထပ်ခွင့် ရုပ်ရှင်ဇာတ်လမ်းတွဲ ကန်တော့ပွဲကို ကျင်းပပြုလုပ်ခဲ့ကြောင်း သိရသည်။
အဆိုပါ ရုပ်ရှင်ဇာတ်လမ်းတွဲကို ဒါရိုက်တာကျော်နှင်းဆီ ရိုက်ကူးတင်ဆက်သွားမည်ဖြစ်ကြောင်း သိရသည်။ ဒုတိယမြောက် လက်ထပ်ခွင့် ဇာတ်လမ်းတွဲတွင် သရုပ်ဆောင် ထက်အောင်ရှိုင်း၊ အကယ်ဒမီ ရဲအောင်၊ ဟင်နရီ၊ ရွှေသမီး၊ သွန်းဆက်၊ လင်းဇာနည်ဇော်၊ အကယ်ဒမီ ခင်ဇာခြည်ကျော်၊ ချိုမဒီသွင်နှင့် အနုပညာရှင်များစွာက ပါဝင် သရုပ်ဆောင်သွားမည်ဖြစ်ကြောင်း သိရသည်။
အဆိုပါ ဇာတ်ကားကို ဝတ္ထု၊ ဇာတ်ညွှန်း ဟေဇယ်က ရေးသားထားပြီး အပိုင်း ၂၅ ပိုင်းစာကို ရန်ကုန်မြိုနဲ့ စင်ကာပူအထိ သွားရောက်ကာ လာမယ့် စက်တင်ဘာနောက်ဆုံးအပတ် စတင်ရိုက်ကူးမှာလည်း ဖြစ်ပါတယ်။ ယနေ့ အခမ်းအနားကို အနုပညာရှင်များ၊အတတ်ပညာရှင်များ၊ တာဝန်ရှိသူများနှင့်အတူ စည်ကားသိုက်မြိုက်စွာ ကျင်းပပြုလုပ်ခဲ့ကြောင်း သိရသည်။
