၃၁ နှစ်အကြာ ကလောတွင် တကျော့ပြန်ရေကြီးမှုဖြစ်ပွား
ကလောမြို့တွင် ၃၁ နှစ်ကြာပြီးနောက် ဒုတိယအကြိမ် ရေကြီးမှုဖြစ်ပွားနေကြောင်း ဒေသခံများ၏ပြောပြချက်အရ သိရသည်။ မိုးအဆက်မပြတ်ရွာသွန်းပြီး ကလောချောင်းရေ မြင့်တက်မှုကြောင့် ကလောမြို့ပေါ်ရှိ ရပ်ကွက်များတွင် ရေကြီးရေလျှံမှု ဖြစ်ပွားနေခြင်းဖြစ်သည်။
“ပြောရရင်ကလောက ရေကြီးတာရှားပါတယ်။ မိုးကလည်း ဆက်တိုက်ရွာထားတဲ့အရှိန်နဲ့ တောင်ကျချောင်းရေက မြင့်တက်လာတယ်။ သစ်ပင်တွေ လဲကျတာတွေလည်းရှိတယ်။ ကားတွေ၊ ဆိုင်ကယ်တွေသွားမရဘူး။ အနိမ့်ပိုင်း ရပ်ကွက်တွေက ပိုဆိုးတာပေါ့။ ဒီတစ်ခါ မကြုံစဖူး ရေကြီးတာ စံချိန်တင်ပဲ။” ဟု ကလောမြို့မှ ဒေသခံတစ်ဦးက ဆိုပါသည်။
ကလောမြို့တွင် လွန်ခဲ့သော ၁၉၉၃ ခုနှစ်က ကလောချောင်းရေ မြင့်တက်မှုကြောင့် ရေကြီးရေလျှံမှုဖြစ်ပွားခဲ့ပြီး နောက်ပိုင်း ထပ်မံ ဖြစ်ပွားခဲ့ခြင်းမရှိတော့ဘဲ ယခုနှစ်တွင် ပြန်လည်ကြုံတွေ့ရခြင်းဖြစ်ကြောင်း သိရသည်။ ယာဂီမုန်တိုင်းအရှိန်ကြောင့် ရှမ်းပြည်နယ်အတွင်းရှိ ဒေသအချို့တွင် စက်တင်ဘာ ၁၀ ရက်(ယမန်နေ့) နံနက်ပိုင်း မှစတင်ကာ ရေကြီးရေလျှံမှုများ ဖြစ်ပွားလျက်ရှိကြောင်း သိရသည်။
More Stories
“အတတ်နိုင်ဆုံး မူလအခြေအနေ အတိုင်းဖြစ်အောင် ကျွန်တော်တို့ကူညီပေးပါမယ်”ဟု ရေဘေးသင့်ပြည်သူများကို နစက ဥက္ကဋ္ဌ အားပေး
ယနေ့ စက်တင်ဘာ ၁၈ ရက်နံနက်ပိုင်းက ပျဉ်းမနားမြို့နယ်၊ မင်္ဂလာဗျူဟာသာသနာ့ဗိမာန်ရေ ဘေးရှောင်ကယ်ဆယ်ရေး စခန်းရှိ ရေဘေးရှောင်ပြည်သူများထံ နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင် သွားရောက် တွေ့ဆုံစဥ် "အတတ်နိုင်ဆုံးခင်ဗျားတို့ မူလအခြေအနေအတိုင်းဖြစ်အောင်တော့ ကျွန်တော်တို့ကူညီပေးပါမယ်"ဟု အားပေးစကားပြောကြားခဲ့သည်။ ဆက်လက်၍လည်း...
သံဖြူဇရပ်မြို့နယ်တွင် လက်နက်ကြီး ကျည်ကျရောက် ပေါက်ကွဲမှုကြောင့် ဒေသခံလူငယ်နှစ်ဦး ထိခိုက်ဒဏ်ရာရ
မွန်ပြည်နယ်၊ သံဖြူဇရပ်မြို့နယ်၊ ဝဲခမိကျေးရွာအနီးတွင် လက်နက်ကြီးကျည် ကျရောက်ပေါက်ကွဲမှုကြောင့် ဒေသ ခံလူငယ်နှစ်ဦး ထိခိုက်ဒဏ်ရာများရရှိခဲ့ကြောင်း ဒေသခံများထံမှ သိရသည်။ အဆိုပါ ထိခိုက်ဒဏ်ရာရရှိသူနှစ်ဦးမှာ အသက် ၁၉ နှစ်အရွယ် နိုင်ငယ်ထူးထူးလင်းနှင့် မဇင်မာထွေးဆိုသူတို့ဖြစ်ပြီး စက်တင်ဘာ ၁၅ ရက်က...
ဘီလူးချောင်းရေ မြင့်တက်မှုကြောင့် လွိုင်ကော်မြို့ရှိ ရပ်ကွက် (၄) ခုမှ ဒေသခံများအား ရေဘေးလွတ်ရာသို့ ပြောင်းရွှေ့
ဘီလူးချောင်းရေ မြင့်တက်မှုကြောင့် ကယားပြည်နယ်၊ လွိုင်ကော်မြို့ရှိ ရပ်ကွက် (၄) ခုအတွင်းသို့ ရေဝင်ရောက်လျက် ရှိသဖြင့် ၎င်းရပ်ကွက်များရှိ ဒေသခံပြည်သူများအား ရေဘေးလွတ်ရာသို့ ရွှေ့ပြောင်း ပေးလျက်ရှိကြောင်း သိရသည်။ ယနေ့ စက်တင်ဘာ ၁၇ ရက်နေ့တွင် လွိုင်ကော်မြို့ရှိ...
နိုင်ငံတွင်း ရေဘေးသင့်ပြည်သူများ ကယ်ဆယ်ရေးနှင့် ပြန်လည်ထူထောင်ရေးအတွက် ကမ္ဘောဇဘဏ်လီမိတက်မှ ကျပ်ငွေ (၁၀) ဘီလီယံ မတည်လှူဒါန်း
၂၀၂၄ ခုနှစ်၊ စက်တင်ဘာလအတွင်း မြန်မာနိုင်ငံ နေရာဒေသ အနှံ့အပြားတွင် ဖြစ်ပွားလျက်ရှိသော ရေကြီးရေလျှံ ဒေသများရှိ ရေဘေးသင့်ပြည်သူများအား ထိရောက်သော ကူညီပံ့ပိုးမှုများပေးနိုင်ရန် ကမ္ဘောဇဘဏ်ခွဲများ၊ ဘဏ်ဝန်ထမ်းများ၊ ပြည်တွင်းပြည်ပ လူမှုရေး၊ စီးပွားရေး မိတ်ဖက် အဖွဲ့အစည်း ကွန်ယက်များမှတဆင့်...
နစက ဥက္ကဋ္ဌ နေပြည်တော်ကောင်စီနယ်မြေအတွင်း လမ်းတံတားများ ပြန်လည်ပြုပြင်ဆောင်ရွက်နေမှုနှင့် ရေကြီးရေလျှံမှု ဖြစ်ပေါ်ခဲ့မှုအခြေအနေများအား ကြည့်ရှု စစ်ဆေး
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် စက်တင်ဘာ ၁၅ ရက်နေ့ နံနက်ပိုင်းတွင် ကောင်စီတွဲဖက်အတွင်းရေးမှူး ဗိုလ်ချုပ်ကြီး ရဲဝင်းဦး၊ ပြည်ထောင်စုဝန်ကြီးများဖြစ်ကြသည့် ဦးမင်းနောင်၊ ဦးမျိုးသန့်၊ နေပြည်တော်ကောင်စီဥက္ကဋ္ဌ ဦးသန်းထွန်းဦး၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော် အရာရှိကြီးများ၊ နေပြည်တော်တိုင်းစစ်ဌာနချုပ်တိုင်းမှူးနှင့်...
အင်းလေး ဖောင်တော်ဦးဘုရားပေါ်တွင် လူတစ်ရပ်စာ ရေနစ်မြုပ်နေပြီး၊ အင်းလေးဒေသတွင် အကူအညီများ လိုအပ်နေ ဟုဆို
ရှမ်းပြည်နယ်(တောင်ပိုင်း) ညောင်ရွှေမြို့၊ အင်းလေးဒေသရှိ ဖော်တော်ဦးဘုရားပေါ်တွင် လူတစ်ရပ်စာ ရေနစ်မြုပ်နေပြီး ဒေသခံများလည်း အခက်အခဲများရှိနေကာ၊ အကူအညီများလိုအပ်နေကြောင်း သိရသည်။ စက်တင်ဘာ ၁၃ ရက်နေ့မှစ၍ ညောင်ရွှေမြို့၊ အင်းလေးဒေသတွင် မိုးသည်းထန်သွန်းမှုကြောင့် ရေကြီးရေလျှံမှု ဖြစ်ပေါ်နေပြီး၊ ဖောင်တော်ဘုရားပေါ်တွင် လူတစ်ရပ်စာရေနစ်မြုပ်နေကာ၊...