“ဘီယာဗိုက်”သီချင်းဗီဒီယို ရိုက်ကူးထုတ်လွှင့်ပြသခဲ့တဲ့ အဆိုတော် မေသူ၊ ဟာသရုပ်ဆောင် အိုကေနဲ့ တခြား သက်ဆိုင်သူကို အမှုဖွင့်
လူမှုကွန်ရက်မှာ ❝ဘီယာဗိုက်❞ ဆိုတဲ့ သီချင်းနာမည်နဲ့ သီချင်းဗီဒီယို ရိုက်ကူးထုတ်လွှင့်ပြသခဲ့တဲ့ အဆိုတော် မေသူ၊ ဟာသသရုပ်ဆောင် အိုကေနဲ့ တခြားသက်ဆိုင်သူတွေကို ရန်ကုန်မြို့၊ ဗဟန်းမြို့မရဲစခန်းမှာ အီလက်ထရောနစ် ဆက်သွယ်ဆောင်ရွက်ရေးဥပဒေ ပုဒ်မ – ၃၃(က)နဲ့ အမှုဖွင့်ထားလိုက်ပြီလို့ ပြန်ကြားရေးဝန်ကြီးဌာနရဲ့ထုတ်ပြန်ချက်အရ သိရှိရပါတယ်။
တေးသီချင်းဗီဒီယိုတွေ ရိုက်ကူးထုတ်လွှင့်ရာမှာ မြန်မာ့ယဉ်ကျေးမှုနဲ့ ဖီလာ ဆန့်ကျင်ပြီး ဟီရိဩတ္တပ္ပတရားကင်းမဲ့တဲ့ ပြောဆိုမှုတွေ၊ ရိုက်ကူးထုတ်လွှင့်မှုတွေ မလုပ်ကြဖို့နဲ့ လိုက်နာဆောင်ရွက်ခြင်းမရှိခဲ့ရင်တော့ တည်ဆဲဥပဒေတွေနဲ့ အညီ အရေးယူဆောင်ရွက်သွားတော့မှာဖြစ်တယ်လို့ ပြန်ကြားရေးဝန်ကြီးဌာနက သတိပေးလိုက်ပြီလည်းဖြစ်ပါတယ်။
