ရုရှားနိုင်ငံမှ ပုဂ္ဂိုလ် ၂၇ ဦးအား သီရိသီဟကျော်တံဆိပ်နှင့် သီရိသူရကျော် တံဆိပ်များ ချီးမြှင့် အပ်နှင်း
ခေတ်မီတပ်မတော် တည်ဆောက်နိုင်ရန် နိုင်ငံတကာ စစ်ဘက်ပူးပေါင်းဆောင်ရွက်ရေးကိစ္စများ ဆောင်ရွက်ခဲ့ကြသည့် ရုရှားနိုင်ငံ ပုဂ္ဂိုလ်(၁၅)ဦးအား သီရိသီဟကျော်တံဆိပ်နှင့် ပုဂ္ဂိုလ် (၁၂)ဦးအား သီရိသူရကျော်တံဆိပ် ချီးမြှင့်အပ်နှင်း လိုက်ကြောင်း နစကမှ ထုတ်ပြန်သည်။
မတ် ၂၇ ရက်တွင် နိုင်ငံတော်စီမံအုပ်ချုပ်ရေးကောင်စီသည် အမိန့်ကြော်ငြာစာအမှတ် ၆၄/၂၀၂၄ ဖြင့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ခေတ်မီတပ်မတော်တည်ဆောက်နိုင်ရန် နိုင်ငံတကာစစ်ဘက် ပူးပေါင်းဆောင်ရွက်ရေးကိစ္စများတွင် စွမ်းစွမ်းတမံဆောင်ရွက်ခဲ့ကြသည့် ရုရှားဖက်ဒရေးရှင်းနိုင်ငံမှ ပုဂ္ဂိုလ်များအား စွမ်းဆောင်မှုဆိုင်ရာဂုဏ်ထူးဆောင်တံဆိပ်ဖြစ်သည့် သီရိသီဟကျော်တံဆိပ်နှင့် သီရိသူရကျော်တံဆိပ်များ ချီးမြှင့်အပ်နှင်းလိုက်ကြောင်း ထုတ်ပြန်ထားသည်။
