ဇလွန်မြို့ မာရ်အောင်မြင်ပြည်တော်ပြန်ဘုရားကြီး တပေါင်းပွဲတော် မတ် ၁၈ ရက်နေ့ ကျင်းပမည်
ဧရာဝတီတိုင်းဒေသကြီး၊ ဟင်္သာတခရိုင်၊ ဇလွန်မြို့ မာရ်အောင်မြင်ပြည်တော်ပြန်ဘုရားကြီး တပေါင်းပွဲတော်ကို မတ် ၁၈ ရက် (တပေါင်းလဆန်း ၉ ရက်) မှ မတ် ၂၅ ရက် (တပေါင်းလပြည့်ကျော်တစ်ရက်) အထိ ရှစ်ရက်ကြာ ကျင်းပမည်ဖြစ်သည်။
တပေါင်းပွဲတော်တွင် ဗုဒ္ဓါဘိသေကအနေကဇာတင်ခြင်း၊ အထက်စေတီတော် ရွှေသင်္ကန်းကပ်လှူခြင်း၊ ဘုရားကြီးအမှူးပြုပြီး သံဃာတော်အပါး ၆၀၀ ကျော်အား ဆွမ်းလုံးကြီးနှင့် ဆွမ်းဆန်စိမ်းလောင်းလှူခြင်း၊ စာရေးတံမဲလောင်းလှူခြင်းစသည့် ကုသိုလ်ပြုရေးလုပ်ငန်းများ ဆောင်ရွက်မည်ဟု ဂေါပကအဖွဲ့မှ သိရသည်။ တပေါင်းပွဲတော်တွင် ဖျော်ဖြေရေးအစီအစဉ်များ၊ ပျော်ပွဲရွှင်ပွဲများ၊ စျေးရောင်းပွဲတော်များလည်း နှစ်စဉ်မပျက် ထည့်သွင်းကျင်းပသွားမည်ဖြစ်သည်။
