ရေတပ်ပူးတွဲ စစ်ရေးလေ့ကျင့်မှုအတွက် ဒေသတွင်းနိုင်ငံများမှ စစ်သင်္ဘောများ အိန္ဒိယ ဆိပ်ကမ်းမြို့သို့ ရောက်ရှိ
အိန္ဒိယနိုင်ငံမှာ ပြုလုပ်မယ့် နိုင်ငံပေါင်းစုံ ရေတပ် စစ်ရေးလေ့ကျင့်မှု MILAN2024 အတွက် မြန်မာ့ရေတပ်မှ စစ်သင်္ဘောနှစ် စင်း အပါအဝင် ဒေသတွင်းနိုင်ငံများမှ စစ်သင်္ဘောတွေ ဆိပ်ကမ်းမြို့ Visakhapatnam သို့ တနင်္ဂနွေနေ့မှာ ရောက်ရှိလာခဲ့ ကြကြောင်း အိန္ဒိယရေတပ် ဝက်ဘ်ဆိုက်မှာ ဖော်ပြပါတယ်။
MILAN စစ်ရေးလေ့ကျင့်မှုရဲ့ ၁၂ ကြိမ်မြောက် လေ့ကျင့်မှုတွေကို ဖေဖော်ဝါရီ ၁၉ ရက်ကနေ ဖေဖော်ဝါရီ ၂၇ ရက်နေ့အထိ Visakhapatnam မှာ ပြုလုပ်သွားမှာဖြစ်ပြီး နိုင်ငံပေါင်း ၅၀ ကျော်က ရေတပ်ဖွဲ့တွေ ပါဝင်သွားမှာဖြစ်ကြောင်း သိရပါတယ်။တပ်မတော်ရေမှ ဆင်ဖြူရှင် စစ်သင်္ဘောနဲ့ ကျန်စစ်သား ဖရီးဂိတ် စစ်သင်္ဘောတို့ဟာ ဖေဖော်ဝါရီ ၁၈ ရက်မှာ Visakhapatnam မြို့ကို ရောက်ရှိလာခဲ့တယ်လို့ အိန္ဒိယရေတပ်က ဆိုပါတယ်။
