မင်္ဂလာမော်ကွန်းတင်လက်မှတ်ရေးထိုးပွဲ ကျင်းပခဲ့တဲ့ သရုပ်ဆောင် သွန်းဆက်
သရုပ်ဆောင် သွန်းဆက်နဲ့ သူမ၏ ချစ်သူဖြစ်သူ ဇင်လှိုင်မြင့်တို့ မင်္ဂလာမော်ကွန်းတင်လက်မှတ်ရေးထိုးပွဲကို အခမ်းအနားမှူး ကျော်ထက်အောင်က ဆောင်ရွက်ပြီး နိုဝင်ဘာ ၁၉ ရက်က ကျင်းပခဲ့ပါတယ်။
“ကိုဇင်နဲ့ အဂွန်းရဲ့ မင်္ဂလာလက်မှတ်ထိုးတဲ့ ပွဲလေး အမှတ်တရနေ့လေးပါရှင့် ” လို့ သရုပ်ဆောင်သွန်းဆက် သူမ၏ လူမှု ကွန်ယက်အကောင့်ကနေ ဖော်ပြလာပါတယ်။ သရုပ်ဆောင် သွန်းဆက်ကို ခင်ပွန်းဖြစ်သူက ၂၀၂၃ ခုနှစ် မတ်လ ၂၆ ရက်မှာ ပရိသတ်တွေရှေ့ လက်ထပ်ခွင့်တောင်းခဲ့တာဖြစ်ပြီး Pre Wedding အလှဓာတ်ပုံတွေကိုတော့ အောက်တိုဘာ ၁၀ ရက်မှာ ချပြလာတာဖြစ်ပါတယ်။
နိုဝင်ဘာ ၁၈ ရက်က Novotel Hotel မှာ ကျင်းပခဲ့တဲ့ ကိုဉာဏ်လင်းမြင့်နဲ့ သရုပ်ဆောင် နန်းစန္ဒာလှထွန်း စုလျားရစ်ပတ် ထိမ်းမြားမင်္ဂလာပွဲကိုလည်း စုံတွဲ တက်ရောက်ခဲ့ပါသေးတယ်။
