ဒီရုပ်ဒီရည်နဲ့ ကျွန်တော့်ကို ကြေးစားအသည်းခွဲသမားလုပ်ခိုင်းလို့ ပြောလာသော ခင်လှိုင်
မကြာမီ ရုပ်တင်ပြသတော့မယ် BO BO FILM Production မှ စီစဉ်ထုတ်လုပ်တဲ့ဒါရိုက်တာ ကိုဇော် (အရုဏ်ဦး) ရိုက်ကူးပုံဖော်ပြီး သရုပ်ဆောင် အကယ်ဒမီ မြင့်မြတ် , ထက်အောင်ရှိုင်း , မေမြင့်မိုရ် , ဝေလာရီ , ခင်လှိုင် စသော အနုပညာရှင်များစွာ ပါဝင်သရုပ်ဆောင်ထားသော ” လေပတ်ကား ရုပ်ရှင်ဇာတ်ကားကြီးရဲ့ Premier Show ကို ဩဂုတ်လ (၂၈) ရက်နေ့က ရန်ကုန်မြို့ရှိ သမ္မတ အဆင့်မြင့် ရုပ်ရှင်ရုံကြီးမှာ ပါဝင်သရုပ်ဆောင်ထားသော အနုပညာရှင်များ , အခြားသော အနုပညာမောင်နှမများစွာနဲ့အတူ စည်ကားသိုက်မြိုက်စွာ ကျင်းပပြုလုပ်ခဲ့ပြီး ဖြစ်ပါတယ်။
DBN ပရိသတ်ကြီးတို့ရေ……ယခုအခါမှာတော့ သရုပ်ဆောင် ခင်လှိုင် ဟာ ဇာတ်ကားထဲမှာ သရုပ်ဆောင်ခဲ့သည့် ပုံရိပ်များကို အခုလိုပြောပြလာပါတယ်။
“ဒီရုပ်ဒီရည်နဲ့ ကျွန်တော့ကို ကြေးစားအသည်းခွဲသမားထားတာ မဟုတ်ကဟုတ်ကတွေ ကိုယ့်အသည်းကိုပဲခွဲလိုက်ရတယ် ၊ ဒီကားမှာ ပါသော ဇာတ်ဝင်ခန်းက နည်းနည်း နည်းတယ် ဒီမှာ သရုပ်ဆောင်တွေလည်း များတယ် ဆိုတော့လေ တစ်ချို့ သရုပ်ဆောင်တွေနဲ့ ရက်တွေခွဲပြီး ရိုက်ရတာကြောင့် မဆုံလိုက်ရတာတောင် ပါသေးတယ်…ကြော်ငြာကြည့်လိုက်ရမှ သူတို့လည်း ပါတာလားဆိုပြီး “ ဇာတ်ကားထဲမှာ သရုပ်ဆောင်များစွာ ပါဝင်ထားတာကို ပြောပြလာပါတယ်။
လေပတ်ကားဇတ်ကားနဲ့ ပတ်သတ်ပြီး “ ဒီဇာတ်ကားကတော့ ဟာသချစ်တဲ့ သူတွေအတွက် ပျော်စရာကောင်းသော ဇာတ်ကား ဖြစ်တယ့်အတွက် လာရောက်ကြည့်ရှုလို့ ပါတယ်”ဆိုပြီး ပြည်သူချစ် ဟာသ သရုပ်ဆောင် ခင်လှိုင်က ပြောပြလာပါတယ်။
