လျှပ်စစ်မီးပြတ်တောက်မှုကို ဝေဖန်ခဲ့သည့် ဟစ်ဟော့အဆိုတော် ဗျူဟာအား ထောင်ဒဏ် နှစ်(၂၀) ချမှတ်
ပြီးခဲ့သည့် မေလအတွင်းက ဖမ်းဆီးထိန်းသိမ်းခံခဲ့ရပြီးနိုင်ငံတော်အကြည်ညိုပျက်စေမှု ပုဒ်မ ၅၀၅ (က)၊ ပုဒ်မ ၁၂၄ (က) ဖြင့် တရားစွဲခံထားရသည့် ဟစ်ဟော့ အဆိုတော် ဗျူဟာကို ယနေ့ ဩဂုတ်လ (၂၃) ရက်တွင် အင်းစိန်ထောင်တွင်းတရားရုံးက ထောင်ဒဏ် နှစ်(၂၀) ချမှတ်လိုက်ကြောင်း သိရသည်။
အဆိုတော် ဗျူဟာသည် လျှပ်စစ်မီးပြတ်တောက်မှု၊ ပုံမှန်မရတဲ့ မီးပေးမှုနှင့် ပတ်သက်၍ ပြီးခဲ့သည့် မေလ (၂၃) ရက်က လူမှုကွန်ရက်စာမျက်နှာကတဆင့် Live လွှင့်ကာ ဝေဖန်ပြောဆိုခဲ့သည့် အတွက် ညတွင်းချင်းပင် သူနေထိုင်ရာ ရန်ကုန်မြို့၊ မြောက်ဒဂုံမြို့နယ် ၄၈ ရပ်ကွက်က ဗထူးအိမ်ရာမှာ ဖမ်းဆီးထိန်းသိမ်းခြင်း ခံခဲ့ရခြင်း ဖြစ်သည်။
