ရွေးကောက်ပွဲ ကျင်းပဖို့ တစ်ပတ်အလိုမှာ အမေရိကန်ပြည်နယ်နှစ်ခုရှိ ကြိုတင်မဲပုံးများ မီးရှို့ဖျက်ဆီးခံရ
အောက်တိုဘာလ ၂၉ ရက်
အမေရိကန် အနောက်မြောက်ပိုင်းပြည်နယ်များဖြစ်တဲ့ ဝါရှင်တန်နဲ့ အော်ရီဂွန်တို့ရှိ မဲပုံးတွေမှာ ရှို့မီး ၃ ခု ဖြစ်ပွားခဲ့တာတွေက ဆက်စပ်မှုရှိတယ်လို့ ရဲအရာရှိများ ယူဆနေကာ အော်ရီဂွန်မှာ သံသယကားတစ်စီး တွေ့ရှိထားတယ်လို့ တနင်္လာနေ့က ပြောပါတယ်။
တနင်္လာနေ့က ပို့တ်လန်း အော်ရီဂွန်မှာ ၂ နေရာ မီးလောင်ခဲ့ပြီး မဲပုံး ၃ ဦးပျက်စီးခဲ့ကာ ဗန်ကူဗာ ဝါရှင်တန်မှာ ရာနဲ့ချီ ပျက်စီးခဲ့တယ်လို့ အရာရှိများ ပြောပါတယ်။
လောင်ကျွမ်းမှု ၂ ခုက အောက်တိုဘာ ၈ ရက်နေ့က လောင်ကျွမ်းပြီး မပျက်စီးခဲ့တဲ့ ပုံစံနဲ့ ဆင်တူနေပါတယ်။
“ရှို့ရတဲ့ အကြောင်းအရင်းကို မသိရပေမယ့် ဒီလိုလုပ်ရပ်တွေဟာ ရည်ရွယ်ချက်ရှိရှိဖြင့် တမင်ပစ်မှတ်ထား လုပ်ဆောင်တာ ဖြစ်ပါတယ်” လို့ ပို့တ်လန်းရဲဌာနမှ လက်ထောက်ရဲမှူးချုပ် အာမန်ဒါမက်မီလန်က သတင်းစာရှင်းလင်းပွဲမှာ ပြောပါတယ်။
သံသယရှိသူဟာ ဖျက်ဆီးရေးပစ္စည်း ပိုင်ဆိုင်ထားမှု၊ မဲပေးစက်တွေကို တရားမဝင် ကျူးလွန်မှုတို့ဖြင့် အမှုစွဲဆိုနိုင်တယ်လို့ ရဲအရာရှိတစ်ဦးက ပြောပါတယ်။
ဗန်ကူဗာသတင်းဌာန KATU မှ ဗီဒီယိုတွေထဲမှာ မြို့ထဲက မဲပုံးတစ်ခုကနေ မီးခိုးများထွက်နေပြီး အခြားမဲပုံးအများအပြားလည်း မီးလောင်ကျွမ်းနေတဲ့ပုံ မြင်တွေ့ရပါတယ်။
