ကျောက်ဆည်မြိုနယ်တွင် ငွေကျပ် ၂၉၃၄ သိန်း တန်ဖိုးရှိ ဓာတုပစ္စည်းများ ဖမ်းဆီးရမိ
ကျောက်ဆည်မြို့နယ်၊ ဆူးလေကုန်းကျေးရွာရှိ ကျော်စွာလင်း(ခ)ဂွကြီး ၏ နေအိမ်ခြံဝင်းအား သြဂုတ်လ ၁၃ ရက်နေ့ ညနေပိုင်းအချိန်တွင် ဝင်ရောက်ရှာဖွေရာ ခြံဝင်းအတွင်းမှ CAUSTIC SODA ၆၀၀၀၀ ကီလို(ဒေသကာလပေါက်ဈေး တန်ဖိုးငွေကျပ်သိန်း ၂၇၀၀)၊ CITRIC ACID MONOHYDRATE ၄၅၀၀ ကီလို (ဒေသကာလပေါက်ဈေးတန်ဖိုးငွေကျပ် ၂၃၄ သိန်း)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ပါသည်။
ကွင်းဆက်ဖော်ထုတ်ချက်အရ သြဂုတ်လ ၁၄ ရက်နေ့ ညနေ (၃)နာရီ အချိန်တွင် အဆိုပါ ဓာတုပစ္စည်းများ လာရောက် ပို့ဆောင်သူ သိန်းဝင်းအား ပြင်ဦးလွင်မြို့၊ ရပ်ကွက်ကြီး(၅)တွင် လက်ကိုင်ဖုန်း ၂ လုံးနှင့်အတူ ထပ်မံဖမ်းဆီးရမိခဲ့ပါသည်။
ထို့ကြောင့် ကျော်စွာလင်း(ခ)ဂွကြီး(၃၀)နှစ် နှင့် သိန်းဝင်း(၅၄)နှစ်တို့အား ကျောက်ဆည်မြို့မရဲစခန်းတွင် ဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရပါသည်။
