ရန်ကုန် ရန်ကင်းမြို့ရှိ ရေမြောင်းထဲမှာ ပိုင်ရှင်မဲ့ အမျိုးသားအလောင်းတွေ့ရှိခဲ့
ရန်ကုန်တိုင်း၊ ရန်ကင်းမြို့နယ်အတွင်းရှိ ရေမြောင်းထဲမှာ သေဆုံးနေတဲ့ အမျိုးသားတစ်ဦး တွေ့ရှိခဲ့တယ်လို့ မျှဝေခံစားတွဲလက်များပရဟိတအသင်းထံက သိရပါတယ်။
ယနေ့ စက်တင်ဘာလ ၃ရက်နေ့ နေ့လည်ပိုင်းအချိန်မှာ ရန်ကင်းမြို့နယ်၊ ပါရမီလမ်းမပေါ်ရှိ ဂုံးတံတားအကျော် ရေမြောင်းအတွင်းမှာ အမျိုးသားတစ်ဦး သေဆုံးနေတာဖြစ်ပါတယ်။
ရေမြောင်းအတွင်း ပိုင်ရှင်မဲ့ အမျိုးသားတစ်ဦး သေဆုံးနေကြောင်း ရပ်ကွက်နေပြည်သူများက အကြောင်းကြားလာတာကြောင့် အသင်းက သွားရောက်ကူညီခဲ့တယ်လို့ ဆိုပါတယ်။
သေဆုံးနေတဲ့ ပိုင်ရှင်မဲ့အမျိုးသားရုပ်အလောင်းကို M.W.K.S လူမှုကူညီရေးအသင်းယာဉ်ဖြင့် စံပြဆေးရုံရှိ ရင်ခွဲရုံသို့ ပို့ဆောင်ကူညီခဲ့တယ်လို့ သတင်းထုတ်ပြန်ထားတာဖြစ်ပါတယ်။
