မြန်မာကိုယ်စားပြု မွန်ဖိုက်တာ ဆွတ်ရတ် မွေထိုင်းဖိုက်တာကို ဒိုင်ပေးမှတ်ဖြင့် အနိုင်ရ
ယမန်နေ့ ဒီဇင်ဘာ (၁၄)ရက် ညပိုင်းတွင် ကျင်းပပြုလုပ်သည့် Lumpinee 91 ပွဲစဉ်၌ မြန်မာကိုယ်စားပြု မွန်လူမျိုးဖိုက်တာ ဆွတ်ရတ်က မွေထိုင်းဖိုက်တာကို ဒိုင်ပေးမှတ်ဖြင့် အနိုင်ရရှိခဲ့သည်။
(၃)ချီစနစ်ဖြစ် ယှဥ်ပြိုင်ထိုးသ-တ်ရာတွင် မွေထိုင်းဖိုက်တာ ပက်ဝီချတ်ကို အသာစီး ထိုးသ-တ်ခဲ့သည်ကိုတွေ့ရကာ ထောက်လက်သီး၊ တွဲလုံးလက်သီးများကြောင့် မွေထိုင်းဖိုက်တာ ပွဲပြီးချိန်တွင် ဒိုင်ပေးမှတ်ဖြင့်ရှုံးနိမ့်ခဲ့ရသည်။
ပြီးခဲ့သည့် ၂၀၂၃ ခုနှစ်က (၄)ပွဲ ဆက်တိုက် ရှုံးနိမ့်ပြီး ဝေဖန်မှုခံမှုများ မြင့်တက်ခဲ့ရသည့် ဆွန်ရတ်သည် ယခု ၂၀၂၄ ခုနှ စ်အတွင်း (၄)ပွဲဆက်အနိုင်ယူပြီး ဝေဖန်မှုတွေကို ရပ်တန့်ရန် အလုပ်ဖြင့် သက်သေပြသွားခဲ့သည်။
ထိုင်းနိုင်ငံ၏ တန်းမြင့် လက်ဝှေ့ပွဲတစ်ခုဖြစ်သည့် Lumpinee စီးရီးပွဲစဉ်များတွင် မြန်မာ့ရိုးရာဖိုက်တာများ ဝင်ရောက်ယှဉ်ပြိုင်ရန်ဖိတ်ခေါ်ခြင်းခံရပြီး၊ ပြီးခဲ့သည့် ONE Lumpinee 76 စီးရီး ပွဲစဉ်အတွင်း ရိုးရာ ဖိုက်တာ (၅) ဦးထိ ပါဝင်ယှဉ်ပြိုင်ထိုးသ-တ်ခဲ့ကြသည်။
