ကချင်၊ စစ်ကိုင်း ၊ ပဲခူးနှင့် မွန်တို့ရှိ တိုင်းနှင့် ပြည်နယ်အဆင့် တရားလွှတ်တော်တရားသူကြီးများ ခန့်အပ်
၂၀၂၄ ခုနှစ် ၊ သြဂုတ်လ (၁)ရက်နေ့
နစက အနေဖြင့် ပြည်နယ်နှင့်တိုင်းဒေသကြီး တရားလွှတ်တော် တရားသူကြီးများကို ယမန်နေ့ ဇူလိုင်လ (၃၁) ရက်စွဲဖြင့် ခန့်အပ်တာဝန်ပေး လိုက်ကြောင်း သိရသည်။ လိုင်လ (၃၁) ရက် ရက်စွဲဖြင့် ထုတ်ပြန်သည့် နစက ၏ အမိန့်အမှတ် ၄၄/၂၀၂၄ အရ ကချင်ပြည်နယ် တရားလွှတ်တော် တရားသူကြီးအဖြစ် ဒေါ်အေးအေးမော်နှင့် စစ်ကိုင်းတိုင်း ဒေသကြီး တရားလွှတ်တော် တရားသူကြီးအဖြစ် ဒေါ်မိမိစိန်တို့ကို ခန့်အပ်တာဝန်ပေးခဲ့ခြင်း ဖြစ်သည်။
အလားတူ ပဲခူးတိုင်းဒေသကြီး တရားလွှတ်တော်တရားသူကြီးအဖြစ် ဒေါက်တာဇော်ဝင်းထွန်းနှင့် မွန်ပြည်နယ် တရားလွှတ်တော်တရားသူကြီးအဖြစ် ဒေါက်တာအောင်သီဟတို့ကို ခန့်အပ်တာဝန်ပေးခဲ့ခြင်း ဖြစ်သည်။ အဆိုပါအမိန့်အား နစက အတွင်းရေးမှူး ဒုတိယဗိုလ်ချုပ်ကြီး အောင်လင်းဒွေးက လက်မှတ်ရေးထိုး ထုတ်ပြန်ခဲ့ခြင်း ဖြစ်သည်။
