မြန်မာနိုင်ငံဂီတနေ့တွင် ကျင်းပမည့် တေးဂီတဖျော်ဖြေပွဲကြီး အတွက် ဝင်ခွင့်လက်မှတ်များ အခမဲ့ထုတ်ပေးမည်
မြန်မာနိုင်ငံ ဂီတနေ့ ဇွန်လ (၂၇) ရက်နေ့တွင် မြန်မာနိုင်ငံ ဂီတအစည်းအရုံး (ဗဟို) မှ ဦးဆောင်၍ ပြည်သူများအတွက် တေးဂီတဖျော်ဖြေပွဲကြီးကို ရန်ကုန်မြို့ မြို့မကျောင်းလမ်းရှိ အမျိုးသားကဇာတ်ရုံ (ရန်ကုန်) ၌ ကျင်းပသွားမည်ဖြစ်သည်။
အဆိုပါ တေးဂီတဖျော်ဖြေပွဲကြီးတွင် နာမည်ကျော်တေးဂီတ တီးဝိုင်းများနှင့် နိုင်ငံကျော် တေးသံရှင်များမှ ဖျော်ဖြေတင်ဆက် သွားမည်ဖြစ်ပြီး ဝင်ခွင့်လက်မှတ်များကိုလည်း အခမဲ့ ထုတ်ပေးသွားမည် ဖြစ်သည်။
သို့ဖြစ်၍ ဝင်ခွင့်လက်မှတ်များကို ဇွန်လ (၂၄၊ ၂၅၊ ၂၆)ရက်နေ့များတွင် နံနက် (၁၀)နာရီ အချိန်မှ စတင်၍ မြန်မာနိုင်ငံ ဂီတအစည်းအရုံး (ဗဟို)၊ အမျိုးသားဇာတ်ရုံ (မြို့မကျောင်းလမ်း)နှင့် မြို့နယ်ဂီတအစည်းအရုံးများတွင် မည်သူမဆို အခမဲ့ လာရောက်ထုတ်ယူနိုင်ကြောင်း သိရသည်။
