မျိုးဆက်သစ်လူငယ်ဖွံ့ဖြိုးရေးပရိဟိတကျောင်းမှာ အလှူပြု လုပ်ခဲ့တဲ့ ဝတ်မှုန်ရွှေရည် တို့ ဇနီးမောင်နှံ
မကြာသေးမီက လက်ထပ်ထိမ်းမြားခဲ့သော သရုပ်ဆောင် ဝတ်မှုန်ရွှေရည် သည် သူရဲ့ခင်ပွန်းဖြစ်သူ ကိုနိုင်ဖြိုးကျော်နှင့်အတူ ပရဟိတအလှူပြုလုပ်ခဲ့သောပုံရိပ်များကို “ချစ်ခြင်းမေတ္တာဖြင့် မျှဝေကူညီကြပါစို့” ဆိုပြီး သူမရဲ့လူမှုကွန်ယက်ကနေ မျှဝေခဲ့ တာဖြစ်ပါတယ်။
ကျေးဇူးရှင် နှစ်ဖက်သောမိဘများအားအမှူးထား၍ မျိုးဆက်သစ်လူငယ်ဖွံ့ဖြိုးရေးပရဟိတကျောင်းမှာ ကိုနိုင်ဖြိုးကျော် နှင့် မဝတ်မှုန်ရွှေရည် တို့၏ တစ်နေ့တာ အာဟာရအလှူနှင့် မီးစက်အလှူကို ၂၀၂၄ ခုနှစ် ဇန်နဝါရီလ (၂၇)ရက်နေ့မှာ ပြုလုပ်ခဲ့ပြီး ပရဟိတကျောင်းမှာ ကလေးတွေနဲ့အတူ တစ်နေ့တာကို ပျော်ပျော်ရွှင်ရွှင် ဖြတ်သန်းခဲ့ပုံများကို DBN ပရိသတ်တွေအတွက် ဝေမျှပေးလိုက်ပါသည်။
