လှိုင်မြို့နယ်(၄)ရပ်ကွက်တွင် ရွှေငါးပိဿာလုယက်သွားသည့် တရားခံများ ဖမ်းဆီးရမိ
ရန်ကုန်တိုင်းဒေသကြီး၊ လှိုင်မြို့နယ် (၄)ရပ်ကွက် အေးရိပ်မွန်လမ်းမကြီး ခြံအမှတ်(၂)ရှေ့တွင် ရွှေငါးပိဿာ အား လုယက် သွားသည့် တရားခံများအား အောက်တိုဘာ ၂၃ ရက်နေ့ညပိုင်းတွင် ဖမ်းဆီးရမိခဲ့ကြောင်း သိရသည်။“မနေ့ညက မိတယ်လို့ သိရတယ်။ ကျန်တဲ့ဟာတော့ မသိရသေးဘူး။” ဟု ရွှေဆိုင်ပိုင်ရှင်တစ်ဦးက ပြောသည်။
မြရွှေယုန်ရွှေဆိုင်မှ လှိုင်မြို့နယ်၊ (၄)ရပ်ကွက်၊ အေးရိပ်မွန်လမ်းမကြီး၊ ခြံအမှတ်(၂)ရှေ့တွင် အောက်တိုဘာလ ၂၁ရက် ညနေ ၆နာရီ ၃၀အချိန် အိမ်ပြန်သယ်လာသည့် ရွှေသေတ္တာသုံးလုံးဖြင့်ထည့်ထားသော ရွှေထည် ငါးပိဿာကို သေနတ်ပစ်ခတ် လုယက်မှုနှင့်ပတ်သက်သည့် တရားခံများအား အောက်တိုဘာလ ၂၃ ရက်နေ့ တွင် ဖမ်းဆီးအရေးယူဆောင်ရွက်သည့် သက်ဆိုင်ရာ တာဝန်ရှိပုဂ္ဂိုလ်များအား ကျေးဇူးအထူးတင်ရှိကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်း (YGEA) မှ ထုတ်ပြန်ထားသည်။
ရွှေဆိုင်ပိုင်ရှင်များအနေဖြင့် မိမိရွှေဆိုင်များတွင် CCTV များ တပ်ဆင်ထားသည့်အတိုင်း မိမိတို နေထိုင်သည့် အိမ်နေရာပတ်ဝန်းကျင်နှင့် ကားပါကင်နေရာများတွင် CCTVကင်မရာများ တပ်ဆင်ခြင်း၊ အရေးပေါ် Alarm Bellများ တပ်ဆင်ခြင်း၊ မိမိတို ရွှေငွေသယ်ဆောင်သည့် ယာဉ်များတွင် ကင်မရာတပ်ဆင်ခြင်း၊ GPS စနစ်များ ထားရှိခြင်းတိုကို ကြိုတင်ပြင်ဆင်ထားခြင်းဖြင့် ဒုစရိုက်လုယက်မှုများ မဖြစ်ပေါ်အောင် ကာကွယ်နိုင်ကြောင်း ရန်ကုန်တိုင်းဒေသကြီး ရွှေလုပ်ငန်းရှင်များအသင်းမှ အသိပေးထားသည်။
