ဇာတ်လမ်း၊ ဇာတ်ညွှန်းအလွှာ အသက် ၈၀ အထက် ဇာတ်ညွှန်းပညာရှင်ကြီးတွေကို စုပေါင်းကန်တော့ပွဲ ကျင်းပ
မြန်မာနိုင်ငံရုပ်ရှင်အစည်းအရုံးက ဇာတ်လမ်း၊ ဇာတ်ညွှန်းအလွှာ အသက် ၈၀ နှစ်အထက် ဇာတ်ညွှန်းပညာရှင် ကြီးကို ဇာတ်ညွှန်းအဖွဲသားတွေ စုပေါင်းကန်တော့ပွဲကို အောက်တိုဘာ ၄ ရက် နံနက် ၉ နာရီက ရန်ကုန်မြို့ ဗဟန်းမြိုနယ်ရှိ မြန်မာနိုင်ငံရုပ်ရှင်အစည်းအရုံးမှာ ကျင်းပပြုလုပ်ခဲ့ပါတယ်။
ဇာတ်ညွှန်းပညာရှင်ကြီးတွေကို တစ်ဦး ကျပ် ၁၅၀၀၀၀၊ မုန့်ပုံး၊ လုံချည်၊ တိုင်းရင်းဆေး စတဲ့လက်ဆောင်တွေ ဇာတ်ညွှန်းအလွှာက အလှူငွေကောက်ခံပြီး လှူဒါန်းခဲ့ကြတယ်လို့သိရှိရပါတယ်။
ဇာတ်ညွှန်းအဖွဲသားတွေ စုပေါင်းကန်တော့ခြင်းကို ၂၀၁၉ ခုနှစ်က ပထမအကြိမ်ပြုလုပ်ခဲ့ပြီး ဒုတိယအကြိမ် ကန်တော့ပွဲ ကိုတော့ ၂၀၂၂ ခုနှစ်က ပြုလုပ်ခဲ့တာလည်းဖြစ်ပါတယ်။ လာမယ့် အောက်တိုဘာ ၁၃ ရက်နေ့မှာလည်း မြန်မာ့ရုပ်ရှင်နေ့နဲ့ ရုပ်ရှင်သက်ကြီးပူဇော်ပွဲကို ဆက်လက်ကျင်းပသွားမှာဖြစ်ပါတယ်။
