သတ်မှတ်ထားတဲ့ စံနှုန်းကိုကျော်လို့ “လေပတ်ကား”ရုပ်ရှင်ဇာတ်ကားကြီး နှစ်ပတ် ပြသခွင့်ရ
BO BO FILM Production မှ စီစဉ်ထုတ်လုပ်တဲ့ဒါရိုက်တာ ကိုဇော် (အရုဏ်ဦး) ရိုက်ကူးပုံဖော်ပြီး သရုပ်ဆောင် အကယ်ဒမီ မြင့်မြတ် , ထက်အောင်ရှိုင်း , မေမြင့်မိုရ် , ဝေလာရီ , ခင်လှိုင် စသော အနုပညာရှင်များစွာ ပါဝင်သရုပ်ဆောင်ထားသော ” လေပတ်ကား ရုပ်ရှင်ဇာတ်ကားကြီးကို စက်တင်ဘာလ (၁) ရက်နေ့မှစတင်၍ မြန်မာပြည်တွင်းရှိ အဆင့်မြင့် ရုပ်ရှင်ရုံများ၌ တစ်ပြိုင်တည်း ရုံတင်ပြသခဲ့တာ ဖြစ်ပါတယ်။
စက်တင်ဘာ ၁ရက်နေ့က ရုံတင်ပြသခဲ့တဲ့ “လေပတ်ကား” ရုပ်ရှင်ဇာတ်ကား ပရိသတ် ကြည့်ရှု့အားပေးမှုတွေကြောင့် သတ်မှတ်ထားတဲ့ စံချိန်တင်ပြီး ၂ ပတ် ဆက်တိုက်ရုံတင်ရရှိခဲ့တယ်လို့ Bo Bo Film Production CEO ကိုဘိုဘိုစန်းက သူ၏ လူမှုကွန်ယက်ကနေ အခုလို မျှဝေထားပါတယ်။
“သတ်မှတ်ထားတဲ့ စံနှုန်းကိုကျော်လို့ “လေပတ်ကား”ရုပ်ရှင်ဇာတ်ကားကြီး နှစ်ပတ် ပြသခွင့်ရတဲ့ အတွက် ဇာတ်ကားမှာ ပါဝင်တဲ့အလွှာအသီးသီးက အယောက်စီတိုင်းကို ကျေးဇူးတင်ပါတယ် ကြည့်ရှုပေးကြတဲ့ တစ်ဦးတစ်ယောက်စီတိုင်းနဲ့ Facebook မှာလည်း support လုပ်ပေးကြတဲ့ အသိမိတ်ဆွေတွေ အားလုံးလည်း ကျေးဇူးတင်ပါတယ် အားလုံးကိုမုန့်ကျွေးမယ် ” ဟုဆိုကာ လူမှုကွန်ယက်ကနေ ရေးသားဖော်ပြထားတာ ဖြစ်ပါတယ်။
