သားကို လင်ကောင်းသားကောင်းဖြစ်အောင်ပျိုးထောင်မယ့် ချောရတနာ
သားအရွယ်ရောက်လာတဲ့အခါ သားကောင်းလင်ကောင်းဖြစ်အောင် ပျိုးထောင်မယ်လို့ ‘ လောင်’ ဇာတ်လမ်းတွဲနဲ့ ပရိသတ်အားပေးမှုရရှိထားတဲ့ ချောရတနာက ပြောပါတယ်။
‘လောင်’ ဇာတ်ကားထဲက ဇာတ်ရုပ်နဲ့ပတ်သက်ပြီး ချောရတနာက ” အစ်မငယ်ငယ်တုန်းက တခုခုဆိုရင် စိတ်က အရမ်းအညှိုးကြီးတယ်။ ဒါပေမဲ့ အဲ့စိတ်ကို ထိန်းချုပ်ပြီး ဖြေတဲ့သူပေါ့။ အစ်မသာအဲ့နေရာမှာ ဆိုအဲ့လိုတွေလုပ်မိမလားဆိုပြီး ဖြစ်မိတယ်။ လုပ်ကောင်းလုပ်မိနိုင်တယ်။ ‘မိုးထိချေ’ က အမေလည်းဆုံးရှုံးရတယ်။ သမီးလည်းဆုံးရှုံးရတယ်။ သစ္စာဖောက်လည်းခံရတယ်။ ကိုယ့်ရဲ့စည်းစိမ်တွေကိုလည်း လိမ်လည်သွားတာခံရတယ်ဆိုတော့ အညှိုးကြီး ကောင်းကြီးနိုင်တယ်။ ဖြစ်ကောင်းဖြစ်နိုင်တယ်။ သူများကတစ်ခွန်း ကိုယ်ကတစ်ခွန်း ခိုက်ရန်ဒေါသဖြစ်တာ အမှန်ကမကောင်းပါဘူး။ လောင်တယ်လေ။ ရုပ်လည်းပူတယ်။ အစ်မကိုယ်တိုင် အဲ့ဒါတွေပြင်လိုက်တဲ့အခါကျတော့ အစ်မရဲ့ရုပ်လည်း ကြည်သွားတယ်ထင်ပါတယ်”လို့ဆိုပါတယ်။
ညီမဖြစ်သူ သန္တာဗိုကိုလည်း ကိုယ်တိုင်ရပ်တည်နိုင်ဖို့ အနောက်ကနေပံ့ပိုးပေးသလို သန္တာဗိုဆီကလည်း ပညာပြန်ယူရတဲ့အပိုင်းတွေရှိတယ်လို့ ပြောပါတယ်။ သရုပ်ဆောင်ပညာဟာ သင်တိုင်းမတတ် ပြောပြတိုင်း မသိတာတွေအများကြီးရှိတဲ့အတွက် ကိုယ်တိုင်ကြိုးစားလျှောက်နိုင်မှသာ ပိုပြီးအဆင်ပြေနိုင်မယ်လို့ ချောရတနာက မှတ်ချက်ပေးပါတယ်။
