Captain America မင်းသားနှင့် ၎င်း၏ သတိုးသမီးလောင်း တို့ လက်ထပ်ထိမ်းမြား
Chris Evans နဲ့ သူ့ရဲ့သတို့သမီးအသစ် Alba Baptista တို့ဟာ သူတို့ရဲ့လက်ထပ်ပွဲကို ဆင်နွှဲဖို့အတွက် သူ့ရဲ့ Boston ဧရိယာမှာရှိတဲ့ အိမ်မှာ မင်္ဂလာဆောင်ခဲ့ကြပါတယ်။ လက်ထပ်ထိမ်းမြားချိန် တွင် Captain America: The First Avenger ကြယ်ပွင့် ၄၂ နှစ်နှင့် ၎င်း၏ဇနီး ၂၆ နှစ် ရှိပြီ ဖြစ်ပါတယ်။
Chris Evans နဲ့ Alba Baptista တို့ရဲ့ မင်္ဂလာပွဲကို MCU သရုပ်ဆောင်တွေဖြစ်ကြတဲ့ Robert Downey Jr., Chris Hemsworth နဲ့ Jeremy Renner တို့လည်း တက်ရောက်ခဲ့ကြကြောင်းလည်းသိရပါတယ်။ သို့ပေမယ့် Chris Evans နဲ့ Alba Baptista တို့ဘက်ကတော့ ၎င်းတို့ရဲ့လက်ထပ်ပွဲအကြောင်းကို တရားဝင်ကြေညာအတည်ပြုလာခြင်းမရှိသေးပါဘူး။
Chris Evans နဲ့ Alba Baptista တို့ တွဲနေကြကြောင်း ၂၀၂၂ နိုဝင်ဘာလမှာ ကောလာဟလတွေထွက်လာပေမယ့်လည်း ၂၀၂၃ ဇန်နဝါရီမှာ အတည်ပြုနိုင်ခဲ့ရာကနေ ယခုစက်တင်ဘာလမှာ လက်ထပ်သွားကြပြီဖြစ်ပါတယ်။ ၎င်းတို့နှစ်ယောက်ဟာ လက်မထပ်ခင်ကာလမှာတော့ လူအများကြားမှာ တွဲသွားတွဲလာပြုလုပ်မှုနည်းပါးပြီး ၎င်းတို့ရဲ့ချစ်သူဘဝကို သိုသိုသိပ်သိပ်နဲ့ဖြတ်သန်းခဲ့သလို အိမ်ထောင်သည် ဘဝကိုလည်း လျှို့ဝှက်စွာနဲ့ပဲပြောင်းလဲခဲ့တယ်လို့ ပြောရမှာပါ။
