နေပြည်တော်လေဆိပ်သို့ ပျံသန်းဝင်ရောက်လာသော ဒရုန်းများအား လေကြောင်းရန်ကာကွယ်ရေးတပ်ဖွဲ့က ပစ်ချဟန့်ထား
နေပြည်တော်လေဆိပ်နှင့် ဇေယျာသီရိမြို့နယ်ဝန်းကျင်သို့ ပျံသန်းဝင်ရောက် လာသော ဒရုန်းများအား လေကြောင်းရန် ကာကွယ်ရေးတပ်ဖွဲ့က ပစ်ချဖျက်ဆီးခဲ့ရကြောင်း သိရသည်။
ယနေ့ ဧပြီလ(၄)ရက် နံနက် (၁၀)နာရီခွဲအချိန်၌ နေပြည်တော်လေဆိပ်အရှေ့ဘက် မှ ဒရုန်းယာဉ်(၄)စင်း ပျံသန်းလာရာ လေဆိပ်ရှိ လေကြောင်းရန် ကာကွယ် ရေးတပ်ဖွဲ့များက ပစ်ချဖျက်ဆီးခဲ့ရသည်။
အလားတူ ဇေယျာသီရီမြို့နယ် အရှေ့ တောင်ဘက်မှ ဒရုန်းယာဉ် (၃)စင်း ပျံသန်းဝင်ရောက်လာမှုကိုလည်း လေကြောင်းရန် ကာကွယ်ရေးတပ်ဖွဲ့က ပစ်ချဖျက်ဆီးခဲ့ရကြောင်း သိရသည်။ အဆိုပါ ဖြစ်စဉ်တွင် လူနှင့်အဆောက်အဦးများ ထိခိုက်ပျက်ဆီး ခြင်းမရှိဘဲ လုံခြုံရေးတပ်ဖွဲ့များက လုံခြုံရေးဆိုင်ရာကိစ္စရပ်များဆက်လက်ဆောင်ရွက်လျက်ရှိကြောင်း သိရသည်။ နေပြည်တော်လေဆိပ်အားခေတ္တပိတ်ထားပြီး လေယာဥ်ခရီးစဥ်များ နှောင့်နှေးနေကြောင်း သတင်းများထွက်ပေါ်နေလျှက်ရှိသည်။
